சாய் பாமாலை - Sai Pamalai - 8

பாடல்

                                   எழுது கோலால் நான் வரைந்த சாய் பாபா படம்



கும்மிப் பாடல் மெட்டு

1     சாயின் நாமம் சொல்லுங்கடி - அவரை
       சாய்சாய் என்றே சொல்லுங்கடி
       சீரடி மட்டும் இல்லை அவர் - உன்
       சிந்தைக்குள்ளும் உள்ளாரடி                                   ( சாயின் நாமம் )   


2     குதிரையின் சேனத்தை தோளில்போட்டு - சாந்படீல்
       கானகம் எல்லாம் அழைந்தாரடி
       பக்கத்துச் சோலைக்குள் சென்றுபார் - என்று
      சாய்நாதன் சொன்னாரடி                                            ( சாயின் நாமம் )

3    அரவையில் கோதுமை மாவரைத்து - ஊரில்
      எல்லைக் கோடாய் இட்டானடி
      கதிகலங்கி ஓடிற்று காலராவும் - அவன்
      காத்தான் கிராம மக்களைத் தான்                         (சாயின் நாமம் )    

4     நீரில் தீபம் எறியவிட்டார் - அவர்
       எண்ணெய் வியாபாரிக்கு புத்தி சொன்னார்
      ரோஹிலா துர்புத்தி பறந்ததுவே - சாயி
      குர்ரானை கத்தி படிக்கச் சொல்லி                        ( சாயின் நாமம் )

5    கத்தியால் ஆட்டை வெட்டப்போனார் - காகா
      சாயின் வார்த்தைக்கு கீழ்படிந்து
      குருவின் வார்த்தைக்கு மறுப்பேது - என்று
      உணர்த்தினார் சாயி பக்தருக்கு                             ( சாயின் நாமம்)

6    முன்பின் ஜென்மம் அவர் காப்பார் - நீ
      சரண் அடைந்தால் போதுமடி
      லீலைகள் எத்தனை நான் சொல்வேன் - அது
      நீண்டு கொண்டே போகுமடி                                   ( சாயின் நாமம் )



 ஆர்.உமையாள் காயத்ரி.