Karpooravalli Dosa / கற்பூரவள்ளி தோசை

தோசை  இது பிடிக்காவதவர்களே இல்லை என சொல்லலாம்.
வெரைட்டி...வெரைட்டியா...தோசை வந்திடுச்சு.
இப்போ மழைக்காலம்....இல்லையா....அதற்கு ஏற்ற தோசை இது.
தோசைக்கு தோசையும் ஆச்சு....மருந்துமாச்சு.

கொஞ்சம் சளி பிடித்து மூச்சு விட கஷ்டமாக இருந்தது. இரவு டிபன் செய்ய மாவு இல்லை. சாதம் சாப்பிட விருப்பமும் இல்லை. சரின்னு நம் வீட்டு பால்கனியில் சிரித்துக் கொண்டு தலையாட்டி என்னை அழைத்த கற்பூரவள்ளியின் மகத்துவம் நமக்குத் தெரியுமே...ஆகையால் தோசை செய்ய எண்ணம் கொண்டேன்.



ஆஹா. இளம்பச்சை வண்ணத்தில் தோசை  கண்களையும் கவருதே...

தேவையானவை

பச்சரிசி - 1கப்
இட்லி அரிசி - 1 கப்
பூண்டு - 1 அ 2
இஞ்சி - சிறிதளவு
மிளகு - 1டீஸ்பூன்
சீரகம் - 1 டீஸ்பூன்
கற்பூரவள்ளி இலைகள் - 12 - 15
உப்பு - ருசிக்கு
எண்ணெய் - தே.அ



அரிசியை களைந்து விட்டு 2 மணி நேரம் ஊறவிடவும்.






பின் அனைத்தையும் மிக்ஸியில் இட்டு சற்று கொர கொரப்பாக அரைத்து எடுத்துக் கொள்ளவும். சற்று நீர்க்க மாவு இருக்கட்டும். 1/2 மணி நேரம் கழித்து தோசை செய்யலாம். தேவைப்பட்டால்
உடனேயும் தோசையாக வார்க்கலாம்.









தோசைக்கல்லில் ஓரங்களில் இருந்து மாவை ஊற்றி வந்து வார்க்கவும். எப்போதும் போல் தோசையாக தேய்க்க வராது. மாவு திரண்டு விடும். கனமாக ஆகிவிடும். சுற்றி எண்ணெய் விடவும்.

திருப்பிப் போட்டு எண்னெய் விட்டு வேக விடவும். இந்த தோசைக்கு அதிகம் எண்ணெய் தேவைப்படாது.

தோசையோட வாசம் அருமையாக இழுக்கிறது. உங்களுக்கும் தானே...

தேங்காய் சட்னியுடன் சாப்பிட படு ஜோர். நீங்களும் முயற்சி செய்து பார்த்து விட்டு எப்படி இருந்ததுன்னு  சொல்லுக...


  கற்பூரவள்ளி ரசம்  இதை சொடிக்கினால் ரசத்தை பருகலாம்