வரமிளகாய் சட்னி

தேவையான பொருட்கள்

சின்னவெங்காயம் - 1 கையளவு
வரமிளகாய் - 3
புளி - சிறு நெல்லியளவு
உப்பு -  ருசிக்கு


சிறிது எண்ணெய் விட்டு வரமிளகாயை மட்டும் கருக்காமல் ...
சிவக்க வாசம் வரும் அளவு வறுத்துக் கொள்ளுங்கள்.


மீதி எல்லா (பச்சையாக)பொருட்களையும் சேர்த்து மிக்ஸியில்  நன்கு அரைத்துக் கொள்ளுங்கள் .

சிறிது நீர் சேர்த்து அரைக்கலாம்.

பாத்திரத்தில் மாற்றிக் கொள்ளுங்கள்.

தாளிக்க வேண்டியவை

நல்லெண்ணெய் - 6 அ 7 மே.க
( நல்லெண்ணெய்யின் அளவு கூடுதல் வேண்டும் )
கடுகு 1/2 தே.க
உ.பருப்பு - 3/4 தே.க
பெருங்காயம் - சிறிது
கருவேப்பிலை - சிறிது


                                             தாளிக்கவும்





தாளித்ததை சூடாக உடனேயே சட்னி மேல் விட்டு கலக்கவும்.

பச்சை வாசம் முக்கால் வாசி போய் விடும். பச்சை வீசாது

அம்மியில அரைத்தால் சும்மா அபாரமாக இருக்கும் இந்த சட்னி. மிக்ஸி இருந்தாலும் ஊரில் இதை மட்டுமாவது அம்மியில் அரைக்க ...ஜம்முன்னு இருக்கும்.


நிறைய அளவில் செய்யும் போது தண்ணீர் சேர்க்காமல் துவையலாக அரைத்துக் கொள்ளலாம்


வெளியூர் போகும் போது நீர் சேர்க்காமல், கை படாமல் செய்து எடுத்துப் போனால் 3, 4 நாட்கள் உபயோகப் படுத்தலாம்.

இதுவும் எல்லாவற்றிற்கும் பொருத்தமாக இருக்கும்.

சூடான இட்லி மேல் நல்லெண்ணெய் விட்டு இச் சட்டினியுடன் சாப்பிட ,சாப்பிட.....அடடே என்ன.... இட்லி மாவைக் காணோம்...?


அய்யோ சாமி நான் இந்த ஆட்டத்துக்கு வரலை ..விடு ஜீட்.....!!!