ஓட்ஸ் குழிப்பணியாரம்

ஒரு சத்தான குழிப்பணியாரம்.

இப்போ ஓட்ஸை நிறைய பயன் படுத்த ஆரம்பித்து விட்டார்கள்.

எளிய, விரைவாகவும் புது மாதிரியாகவும் சாப்பிடலாமா...?

தேவையான பொருட்கள்

ஓட்ஸ் - 1 கோப்பை
ரவை - 1/2 கோப்பை
அரிசி மாவு - 1/4 கோப்பை
கடலை மாவு - 2 மே.க

வெங்காயம் - 1
பச்சை மிளகாய் - 2 அ 3
உப்பு - தே.
எண்ணெய் - தே.அ
தேங்காய் துருவல் - 3 மே.க
கெட்டி மோர் - 1 1/2 டம்ளர்


தனித்தனியாக
ஓட்ஸை வறுத்துக் கொள்ளவும்.
ரவையை வறுத்துக் கொள்ளவும்.

ஆறியபின் ஒன்றாக மிக்ஸியில் பொடித்துக் கொள்ளவும். அத்துடன் அரிசி & கடலை மாவை சேர்க்கவும்.

உப்பு சேர்க்கவும்.



தாளிக்க வேண்டியது.

எண்ணெய் - 2 மே.க
கடுகு - 1/2 தே.க
கடலைப்பருப்பு - 1/தே.க
உ.பருப்பு - 3/4 தே.க
சீரகம்- 1/2 தே.க

                                                 தாளிக்கவும்.







பச்சைமிளகாய் சேர்த்து வதக்கவும்.











வெங்காயம் சேர்த்து வதக்கவும்.

தேங்காய்  துருவல் சேர்த்து வதக்கவும்.

மாவில் சேர்க்கவும்.


மோர் சேர்க்கவும்.
கரைத்து 15 நிமிடங்கள் வைக்கவும்.








எண்ணெய் விட்டு காயவும்













மாவை ஊற்றவும்.

வேகவும் மறுபுறம் திருப்பவும்.

வேகவும்  எடுத்து பரிமாறவும். சத்தான ஓட்ஸ் குழிப்பணியாரம் தயாராகிவிட்டது.

வெங்காயம் தக்காளிச் சட்னியுடன் பரிமாறவும்.





நாம் எப்போதும் செய்யும் குழிப்பணியாரப் பதிவுகள் கீழே...  

குழிப்பணியாரம் - காரம்

குழிப்பணியாரம் - இனிப்பு


குறிப்பு

சமையல் சோடா - 3/4 தே.க  வேண்டுபவர்கள் சேர்த்துக் கொள்ளலாம்.

இதை மாவு ஊறின பின் சேர்த்து கலக்கவும்.

சேர்த்தவுடன் மாவு பொங்கி வரும். பின் பணியாரமாக வார்க்கவும்.

சும்மா பஞ்சு, பஞ்சா பணியாரம் நல்லா உருண்டையாக வரும்.

நான் இதை பெரும்பாலும் சேர்ப்பது இல்லை. உடலுக்கு கெடுதல் என்பதால்.

உங்கள் விருப்பம் சேர்ப்பதும் தவிர்ப்பதும்.