கோதுமை பரோட்டா...!!!

மைதா பரோட்டா நாம் எப்போதும் சாப்பிடுவோம்....அதை வெள்ளை விஷம் அப்படிங்கிறாங்க...இல்ல....ஆகையால் நாம கோதுமை பரோட்டா செய்யலாம் அப்படின்னு செய்தேன்...நல்லா வந்தது. நீங்களும் செய்து பாருங்கள்.

தேவையான பொருட்கள் 

கோதுமை மாவு - 2 கோப்பை
கெட்டி மோர் - 1/2 டம்ளர்
சர்க்கரை - 1/4 தே.க
உப்பு - தே.அ
எண்ணெய் - 1 மே.க

 மோரில் சர்க்கரை, உப்பு சேர்த்து கலக்கி வைக்கவும்.

மோருடன் வெது வெதுப்பான  
வெந்நீர் சேர்த்து மாவில் விட்டு பிசையவும். 

பின் எண்ணெய் சேர்த்து பிசைந்து 1 மணி நேரம் வைக்கவும்.

 சப்பாத்தியாய் தேய்க்கவும்.

விசிறி மடிப்பாய் மடிக்கவும். மடித்த பின் அதன் இடுவலில் மாவைத்தூவிவிடவும்.
 (அல்லது 
எண்ணெய் தடவிக் கொள்ளுங்கள்.)

                                            சுருட்டவும்.

                                            தேய்க்கவும்.

 வேண்டிய அளவு தேய்த்துக் கொள்ளவும்.

தோசைக்கல்லில் எண்ணெய் விட்டு தடவி பரோட்டாவைப்போடவும்.பின்  கல்லில் எண்ணெய் விட்டு திருப்பிப் போடவும். 

3 பரோட்டா போட்ட பின் அதை ஒன்றன் மேல் ஒன்று அடுக்கி பக்கவாட்டில் இரண்டு கைகளாலும் தட்டவும். பரோட்டா கடைகளில் பார்த்து இருப்பீர்களே அதே போல்.

சூடா சாப்பிட அருமையாக இருக்கும்.....என்ன பார்க்குறீங்க....இதற்கு என்ன சைடிஸ்...பண்ணினேன்னா....அது அடுத்த பதிவில்...ஹஹஹா....!!!



எண்ணெய் அதிகம் வேண்டும் என  விரும்புவோர் அதிகம் சேர்த்து மாவை பிசைந்து கொள்ளுங்கள். நான் பரோட்டா தேய்க்கும் போது மாவைக் கொண்டு தான் தேய்த்தேன். எண்ணெய் தடவிக் கொண்டும் தேய்க்கலாம்.