ஊழ்வினை பந்தம் தானோ நம்மை இணைத்தது...

எந்த ஜென்ம பந்தம் ஐயா என்னை இழுத்தது
ஏதுமறியாத போதும் என்னை  அணைத்தது
உள்ளம் மட்டும் ஏனோ உன்னை நினைக்குது
ஊழ்வினை பந்தம் தானோ நம்மை இணைத்தது

நான் செல்லும் இடத்திலெல்லாம் முன்னே நிற்கிறாய்
நல்வழியைக் காட்டி காட்டி நித்தம் செல்கிறாய்
மெளன மொழி பேசி பேசி என்னை மயக்கினாய்
மெளன யாகம் தன்னில் என்னை இருத்தினாய்

காணும் உந்தன் விழி காந்தம் போலவே
காலகாலமாய் என்னை இழுத்து வந்ததே
புன்னகைத்து நீ அமர்ந்திருக்கும் சிம்மாசனம்
பாருக்கெல்லாம் கீதை சொல்ல காத்திருக்குது

திறந்திருக்கு தாயின் இல்லம் உன்னிதல்லவா
தீண்டாமை கிடையாது ஒரே குலமல்லவா
ஆண்பெண் என்கிற பேதமில்லையே
அடியவராய் அனைவரும் கலந்து பணிவோமே




படம் கூகுள் நன்றி