உள் வேள்வி ஒன்று உதிக்கவே

ஓம் நமசிவாய சாயி
ஓம் நமோ நாராயணா சாயி

உன் முகம் கண்டு உருகினேன்
உள் முகம் கண்டு நாணினேன்
என்  செய்தேன் உனை பெற்றிட
எள்ளளவும் நான் செய்யவில்லையே
கண்களால் கட்டி போட்டிட்டு
கரம் பிடித்து கூட்டிப் போகிறாய்
உள் வேள்வி ஒன்று உதிக்கவே
உள்ளமது உஷ்ணத்தில் துடிக்குதே
உழன்ற உணர்வுகள் வேள்வியில்
அர்பணம் ஆகி கருகுதே
மெளனத்தினாழம் காணு மாசையில்
பிச்சுபிச்சு  என்னை  காட்டுதே
பட்டபகலின் வெளிச்சமோ  அதை
பரிகாசம் செய்து  கண் சிமிட்டுதே
அர்த்தமற்ற மொழி விட்டிட
அமைதி என்னுள் குடிகொள்ளுதே
நம்மை நாம் காணுகையில்
நாளும் நாவடங்கிப் போகுதே
சாயிசாயி என்றிடவே
சகலமும் அதில் அடங்குதே




படம் கூகுள் நன்றி.