மூச்சே நீயாய்

செய்கைகள் யாவும் தந்தவன் நீயே
செய்விக்க உடனிருப்பதும்  நீயே
நான் நான் என்றதை அறுத்ததும் நீயே
நாந்தான் என்பதை காட்டியதும் நீயே
மூச்சினில் கலந்து இருப்பதும் நீயே
மூச்சே நீயாய் ஆனதும் நீயே
மனப்பாலையில் கடப்பது சிரமம்
மகேசன் வழிகாட்டிட நடப்பது இன்பம்
சொற்கள் உளியில் சிதறுவதால்
சொர்ண நின்னுருவம் கண்டேன்
புறணித்த வாய் புறம் தள்ளிட
புண்ணியன் உன்னை கண்டேன்
உளியின் அடிகள் கல்லின் உண்மைக்கு
உள்ளத்தின் சிரமம் மெய் நம் நன்மைக்கே
கண்ணன் சொன்னான் கடமை செய்யென்று
கண்ணாய் காப்பேன் உம்மை நானென்றும்