தக்காளி தித்திப்பு /Tomato Sweet Pachadi

தக்காளி தித்திப்பு இதன் சுவை அலாதியானது. ஆனா இதை அடிக்கடி செய்வதில்லை. எப்போதாவது தான் செய்வேன். செய்வது சுலபம் அதனால் இருக்குமோ? ஹிஹிஹி....!





தேவையானவை


தக்காளி - 3
சுகர் - 5 டேபிள் ஸ்பூன்
முந்திரி -  7
எலக்காய் தூள் - சிறிது
நெய் - 2 டேபிள் ஸ்பூன்
தேன் - 1 டீஸ்பூன்





செய்முறை 

வாணலியில் நெய் விட்டு உடைத்து வைத்து இருக்கும் முந்திரியை போட்டு பொன் நிறமாக வறுத்து எடுத்து தனியாக வைத்துக் கொள்ளவும்.







கழுவி நறுக்கி வைத்து இருக்கும் தக்காளியை வாணலி நெய்யில் சேர்த்து வதக்கவும்.










தக்காளி வெந்ததும் சுகரை சேர்த்து கிண்டிக் கொண்டு இருக்கவும்.

சுருண்டு வரவும் ஏலக்காய் தூள்,வறுத்து வைத்து இருக்கும் முந்திரிகளை சேர்த்து கிளறி இறக்கவும். தேன் விட்டு கலந்து விடவும்.

                                           தக்காளி தித்திப்பு தித்திப்புதான்


சுகர் தான் சேர்க்க வேண்டும் என்பதில்லை வெல்லம், கருப்பட்டி இதில் விருப்பப்படும் ஒன்றை நீங்கள் சேர்த்துக் கொள்ளலாம்.

தக்காளியை தண்ணீரில் கொதிக்க விட்டு தோல் நீக்கி மிக்ஸியில் இட்டு அரைத்து அவ்விழுதைக் கொண்டும் செய்யலாம். அது ஜாம் மாதிரி வரும்.

கிஸ்மிஸ் பழத்தையும் விருப்பப்பட்டால் சேர்த்துக் கொள்ளலாம்.