சமையல் குறிப்புகள்

என்னுடைய அனுபவ டிப்ஸ்கள் உங்களுக்கும் பயன்படும் என நினைக்கிறேன்.

1. நேரம் இருக்கும் போது தேங்காயை  வாங்கி உடைத்து  பாதி அளவு தேங்காயை கீறியும், பாதியை துருவியும்  ரப்பர் டப்பா அல்லது ஜிப்லாக் பை - இவற்றில் போட்டு ஃப்ரீஸரில் வைத்துக் கொள்ளலாம். பொரியலுக்கு துருவலும், அரைக்க கீறலும் சட்னு சமைக்க எளிதாக இருக்கும்

2. பச்சை பட்டாணி சீஸன் போது வாங்கி உரித்து ரப்பர் டப்பா அல்லது ஜிப்லாக் பை - இவற்றில் போட்டு ஃப்ரீஸரில் வைத்துக் கொள்ளலாம். வருடம் முழுவதும் நன்றாக இருக்கும். வேண்டிய போது எடுத்து பயன்படுத்திக் கொள்ளலாம்.

3. உசிலி செய்ய காலையில் பருப்பை ஊறப்போட்டு உறிடுச்சா இன்னும் இல்லையே என கவலை படாமல் முதல் நாள் இரவில் வேண்டிய பருப்பை எடுத்து தண்ணீர் ஊற்றி மூடி ஃப்ரிட்ஜ்ஜில் வைத்து விட்டால் காலையில் செய்ய எளிதாக இருக்கும்.

4.பழைய புளி விரைவில்  ஊறிவிடும். ஆனால் புது புளிநேரம்  எடுக்கும். வெந்நீர் ஊற்றி வைக்கலாம். இல்லையெனில்  முதல் நாள் இரவே அடுத்த நாள் என்ன சமையலோ அதற்கு எடுத்து ஊறப்போட்டு ஃப்ரிஜ்ஜில் வைத்து விட எளிது.

.

5.அரிசி உப்புமாவுக்கு உடைத்து வைத்துக் கொண்டால் அவ்வப்போது சட்டுன்னு செய்ய வசதியாக இருக்கும். சிலர் மிசினில் உடைப்பார்கள், அவர்களுக்கு கவலையில்லை. ஏன்னா அவர்கள் நிறைய உடைத்துக் கொண்டு வந்து விடுவார்கள்.  சிலர் அவ்வப்போது மிக்ஸியில் உடைத்துக் கொள்வார்கள். அவர்கள் மிக்ஸியில் இப்படி நிறைய உடைத்து வைத்துக் கொண்டால் அலுப்பாக இருக்கும் போது டக்குன்னு உப்புமா செய்து இட்லி பொடி வைத்து சாப்பிட்டுக் கொள்ளலாம்.


தொடரும்...