தூதுவளை ரொட்டி / Thoothuvalai Roti / Healthy Snacks

 கற்பக மூலிகைகளில் தூதுவளையும் ஒன்று. 

கொடியாக படரும். சிறுசிறு முட்கள் தண்டு, இலைகளில் காணப்படும். இதன் இலை, பூ,காய், வேரென அனைத்தும் மருத்துவ பயன் உடையது.

 கால்சியம் நிறைந்து இருக்கிறது.

இதை சாப்பிடுவதால் சளி, இருமல், இரைப்பு, மண்டையில் நீர்கோர்த்தல், வாதம், பித்தம், காது மந்தம், இன்னும் பிறவற்றையும் சரி செய்யும். 


தூதுவளை  இலைகளில் உள்ள முட்கள், நரம்புகளை நீக்கி சுத்தம் செய்து எடுத்துக் கொள்ளவும். மிக்ஸியில் இட்டு நன்கு அரைத்து விட்டு சிறிது நீர் சேர்த்து நன்கு அரைத்து எடுத்துக்  கொள்ளவும். 


தேவையானவை

பச்சரிசி மாவு - 1 கப்
தூதுவளை இலைகள் - 1 கையளவு
மிளகு,சீரகத்தூள் - 1 டீஸ்பூன்
உப்பு - ருசிக்கு
சின்ன வெங்காயம் - 10 ( பொடியாக நறுக்கிக் கொள்ளவும்) 
 

செய்முறை

வெங்காயம்,உப்பு, மிளகுசீரகத்தூள் சேர்த்து நன்கு கலந்து கொள்ளவும்.

மாவை சேர்த்து நன்கு கலந்து விட்டு தூதுவளை அரைத்த விழுதை  கொஞ்சம், கொஞ்சமாக  சேர்த்து பிசையவும். 

15 நிமிடங்கள் ஊற விடவும். பின் உருண்டைகளாக உருட்டி வாழை இலையிலோ அல்லது பிளாஸ்டிக் சீட்டிலோ   சிறிது எண்ணெய் தடவி விட்டு உருண்டையை வைத்து தட்டவும்.

தோசைக்கல்லை காய வைத்து விட்டு இதை இட்டு எண்ணெய் வார்த்து வேக விடவும். திருப்பி போட்டும் வேகவிடவும்.

கண்களால் செய்முறையை காண கீழ் உள்ள படத்தை சொடுக்கவும்.......

             மருத்துவ குணம் கொண்ட தூதுவளை ரொட்டி சாப்பிட தயார்......!!!


பொருமையாக படித்தும், பார்த்தும், கருத்திட்டும்,  சென்ற அன்புள்ளங்களுக்கு நன்றி.

please subscribe,like,share,comment my  youtube channel .

Thanks Friends.