கிருஷ்ண கானம்

பாடல் 19

கண்ணப்பர் என்னப்பர் ஆனாரைய்யா
கதைகள் சொல்கிறேன் கேளுங்களைய்யா   (2)


விடியலுக்கு முன்னேவந்து முகம்காட்டி
விரியசிரித்து நாளும் வழிகாட்டி
நாளும் என்னுடன் நடப்பானய்யா                            
நவின்று கொண்டு இருப்பானய்யா                                  
                                                                                                             கண்ணப்பர்

இருப்பது யாருக்கும் தெரியாதைய்யா
இணைபிரியாமல் என்னுடன் இருப்பானய்யா
பேசிக்களிப்பேன் அப்ப..னோடே
போதித்து புரிய வைப்பானய்யா  
                                    
                                                                                                             கண்ணப்பர்
நீலக்கடலின் மேல் நடந்தோமைய்யா
நித்தம் ஒருமலை போனோமைய்யா
சித்தர்கள் யாவரையும் கண்டோமைய்யா
சிந்தை மகிழ்ந்து நின்றேன் ஐயா
                                         
                                                                                                             கண்ணப்பர்
மகான்கள் கடல்போல் ஆகாயத்தில்
மெளனமொழியின் சத்தம் அங்கே
இதயம்கிழிய வலியில் துடித்தேன்
இதமாய்யானது உடலின் பாரம்
                                                                                                           
                                                                                                             கண்ணப்பர்
என்னற்ற மறையுலகம் கண்டேனங்கே
என்னப்பர் கைக்குள் நானிருந்து
அபிஷேகம் அலங்காரம் என்பெருமாள்
ஆஜானுபாகுவாய் கனவில் வந்தார்
         
                                                                                                             கண்ணப்பர்
ஊடு சக்தியாய் அவரிருப்பார்
உலகவாழ்க்கை அதைக் கடக்கா
உணர்கிறேன் நாளும் அவர்வாசம்
உத்தமனாய் நான் இருக்கேனா?

                                                                                                             கண்ணப்பர்


கும்மிப்பாட்டு மெட்டில்



மீண்டும் ஒரு கிருஷ்ணகானம் என்னுள் இருந்து எழுதிய என்னப்பருக்கு நன்றி.