மது சூதனன் தாள்

ஏதும் அறியா எனக்கு
ஏது குறை நீ சொல்
எண்ணத்தில் உறைந்து விட்டாய்
ஏக்கம் அதை தந்து விட்டாய்

அறிகிலேன் அறிகிலேன்
ஆனந்தம் வந்ததையா
அறிந்து கொண்டேன் நின்னை
பேரானந்தம் பெருகுதையா

உள்ளம் குவியுதையா
உன்னுரு தெரியுதையா
விட்டகாலம் நினைக்கையிலே
வேதனை வடியுதையா

அழகான மேனி அம்சம்
அழைக்குது தினந்தினமே
அமுதமாய் நாமமது
மெல்லுது மனந்தினமே

காணாததைக் கண்டிடவே
காலமது நிற்கவில்லை
காயமதும் காக்கவில்லை
கருத்து நிற்கும் வரை

மண்டலம் கடக்கையிலே
மறுபிறவி பிறந்திடவே
மது சூதனன் தாள் பற்றி
மனமது வளர்ந்திடவே



படம் கூகுள் நன்றி