Raddish Channa Vadai

குளிருக்கு நாக்கு
மொறு மொறுப்பாக கேட்க...

வேறு சுவை நல்கு என
வேதாந்தம் பேச...

வைக்கிறேன் உனக்கு
ஒரு வடையை என

மூளை யோசிக்க
முளைத்தது....ஒன்று

முனைப்புடன் செய்தேன்
முள்ளங்கி வடை...

முனுமுனுக்காது வாய்
மென்றது வடையை...

கரகர  மொறுமொறு வடை
கண்கள் என்ன சொல்லுது...?






தேவையான பொருட்கள்

கொண்டக்கடலை - 1/2கோப்பை
வரமிளக்காய் - 5
பூண்டு - 2 சோம்பு - 1 மே.க
இஞ்சி - 1/2 துண்டு

முள்ளங்கி - 1
அரிசி மாவு - 2 மே.க

கருவேப்பிலை -சிறிது

கொத்தமல்லி -  1 கை பிடி

உப்பு - ருசிக்கு

எண்ணெய் - பொரிக்க தேவையானது

கொண்டக்கடலையை முதலிலேயே 7மணி நேரம் ஊறவைத்துக் கொள்ளவும்.


இப்போது எல்லாப்  பொருட்களையும் மிக்ஸியில் போட்டு கொர கொரப்பாக சுற்றி எடுத்து வைத்துக் கொள்ளவும்.
( தண்ணீர் தேவையில்லை)

முள்ளங்கியை துருவி வைத்துக் கொள்ளவும்.

கருவேப்பிலை ,மல்லியை நறுக்கி வைத்துக் கொள்ளுங்கள்.

அரைத்ததை ஒரு பாத்திரத்தில் போட்டு.

நறுக்கியதை சேர்த்து உப்பு போட்டு,அரிசி மாவு சேர்த்து பிசைந்து, வடைகளாக தட்டி, எண்ணெய்யில் பொரிக்கவும்..

                                                                                சாயங்காலப் பலகாரம்...!
                                                                                 சாயாவுடன் தயார்...!!!