புதினா ரசம்

புதிய வகை
புதினா ரசம்...!!!

புகுந்து கொள்ளும் வாசம்
புன்னகைக்கும் வீடு முழுதும்

எட்டி பார்த்த வயிற்றுக்கு
ஏக்கம் நீக்கி தணிக்கும்

முகர்ந்து பார்த்த மூக்கோ
முனங்கிடும் வயிற்றைப் பார்த்து

விருந்துண்ட விருந்தினரோ
வரவா மற்றொரு நாள் என்பர்

பார்த்துக் கொள்ளுங்கள்...
பண்பான நண்பர்களே...

ருசித்த கதை கேட்க
ருசித்து நானும் காத்திருக்கேன்.

தேவையான பொருட்கள்

து.பருப்பு - 1 1/2 மே.க ( மஞ்சள் தூள் சேர்த்து வேகவைத்துக் கொள்ளவும்)
தக்காளி பெரிது - 1
ப.மிளகாய் - 2
சாம்பார் பொடி - 1/4 தே.க
மிளகு & சீரகப் பொடி - 1/4 தே.க
உப்பு - தே அ
எலுமிச்சை -  1 
கொத்தமல்லி - 2 ஆர்க்கு
புதினா - 1/2 கைஅளவு

தாளிக்க வேண்டியவை

நெய் - 1/2 தே.க
எண்ணெய் - 1/2 தே.க
கடுகு - 1/4 தே.க
வரமிளகாய் - 1
மிளகு - 1/4 தே.க
சீரகம் - 1/4 தே.க
பெருங்காயம் - சிறிது


பருப்பு தண்ணீர் + தக்காளி + ப.மிளகாயை போடவும்.

சாம்பார் பொடி + மிளகு & சீரகப் பொடியைப் போடவும்.


நன்கு தக்காளி வேகும் வரை கொதிக்கவிடவும்.

தாளித்து போட்டு விட்டு வேண்டும் அளவு தண்ணீர் சேர்த்துக் கொள்ளவும்.

உப்பு போட்டு கொதிவரவும் அடுப்பை அணைக்கவும்.

நறுக்கிய மல்லி & புதினாவை சேர்க்கவும்.





எலுமிச்சை சாற்றை சேர்க்கவும். மூடி வைக்கவும் சாப்பிடும் போது திறந்து கொள்ளுங்கள்.

( அப்புறம் என்ன மூடிட்டேவா சாப்பிட முடியும் ? )
வாசம் வெளியே போகாம  இருக்கும் அப்படின்னு சொல்ல வந்தேன் ஹிஹிஹி...!!!

                                                           அன்னத்தில் கலந்தும் சாப்பிடலாம்
                                                           ஆவல் மிகுந்தால் குடித்திடலாம்...!!!
                                                    சரி சரி நான் போறேன் சாப்பிட...அப்ப நீங்க...?