தேவகோட்டை கோட்டை அம்மன் கோவில் ஆடித் திருவிழா

                                                              கோட்டை  அம்மன்

தேவகோட்டை மாநகரில் கோட்டை அம்மன் கோவில் ஆடித்திருவிழா வருடா வருடம் விமரிசையாக நடை பெறும். 

 இந்த ஆண்டு 21.7.14 லில் இருந்து - 4.8.14 வரை நடை பெற்றது. அம்மனுக்கு காப்பு கட்டும் அன்று ஊரின் எல்லைக்குள் இருப்பவர்கள் திருவிழா முடியும் வரை எல்லைதாண்டக் கூடாது என்பது ஐதீகம். ஆகையால் காப்பு கட்டும் போது   வெளியூர் போக வேண்டியவர்கள் அச்சமயம் பக்கத்து ஊரான காரைக்குடிக்கு சென்று வருவார்கள்.


இது ஊருக்குள் அமைந்த கோவில். நாட்டுக் கோட்டை செட்டியார்களின் பராமரிப்பில் உள்ளது.

ஊரின் வெளியே  அம்மனின் பழங்கால கோவில் இருக்கிறது. இது ஆற்றங்கரை   ஓரத்தில் அமைந்து இருக்கிறது. தேவகோட்டையின் காவல் தெய்வம் இந்த அம்மன் தான். சக்தி மிக்க அம்மன்.

இந்த திருவிழாவின் போது தான் அம்மன் ஊருக்குள் பிரவேசித்து 15 நாட்கள் தங்கி இருப்பார்கள். 

 கர்ப்பகிருகத்தில் மேடை மட்டுமே எப்போதும் இருக்கும். இச்சமயம் தான்  ஆற்றில் இருந்து  குடத்தில்  நீர் எடுத்து, ஆற்றங்கரைக் கோவிலில்  கொண்டு வைத்து  தென்னம் பாளையை அதில் வைத்து அம்மனை ஆவாகனம் செய்து இங்கு கொண்டு  வந்து வைப்பார்கள்.

           அதில் தான் அம்மனின் அலங்காரத்தை நீங்கள் காண்கிறீர்கள்.

அம்மனுக்கு நேரில் வெளியில் அமைந்திருக்கும்  மோடைக்கு (மேடை)  பால்  அபிஷேகம்  நடை பெறுகிறது.

ஓவ்வொரு நாளும் ஓவ்வொரு அலங்காரம். நினைத்ததை முடித்துக் கொடுக்கும் அம்மன் இவள். இங்கு வீடு,விமானம், கால்,கை,கண்மலர்,உடம்பு,பாம்பு, என நிறைய விதமான பொருட்கள் அர்ச்சனை டிக்கட் கொடுக்கும் இடத்தில் கிடைக்கும். இதற்கு பணம் கட்டி வாங்க, ஒரு தட்டில் வைத்து கொடுப்பார்கள்( இது விலைக்கு அல்ல) அதை பெற்றுக் கொண்டு போய் அர்ச்சகரிடம் கொடுத்து அர்ச்சனை செய்யும் போது இதை அவர் சாமியிடம் வைத்து பூசை பண்ணிக் கொடுப்பார்கள். நம் வேண்டுதலுக்கு ஏற்ற பொருட்களை மட்டும் வைத்து வழி பட அடுத்த ஆண்டுக்குள் அது கண்டிப்பாக நிறைவடையும். 

மீண்டும் அப்பொருளை திருப்பி வாங்கிய இடத்தில் கொடுத்து விட வேண்டும்.  

                                          அம்மனுக்கு பொங்கல் வைக்கிறார்கள்.

                                              காய்கறி அலங்காரத்தில் அம்மன்.

                                                அம்மன் மீனாட்சி அலங்காரத்தில்

வேறு மதத்தினரும் இந்த அம்மனை நாடி வருகிறார்கள். ஊரின் காவல் தெய்வம் என்பதலும், அவர்களின் விருப்பம் நிறை வேறுகிறது என்பதாலும், அம்மனின் சக்தியை உணர்ந்ததாலும் ஒற்றுமையாக ஊர் மக்கள் வழிபடுகிறார்கள். 


இங்கு வெளியிட்ட புகைப்படங்கள் அனைத்தும் பேஸ்புக் - நகரத்தார் பதிவில் இருந்து பெற்றவை. அவர்களுக்கு என் நன்றி.  
படங்கள் : திரு . சுப்பிரமணியன் வீரப்பன். — in Devakottai, India.