சாய் பாமாலை

பாடல் - 18

குருவே குருவே குருபிரம்மா

குறைகள் இல்லை பரப்பிரம்மா

அகிலம் யாவும் ஒருபிரம்மா

அண்டையர் எல்லாம் ஒருபிரம்மா

உயிர்கள் எல்லாம் பரப்பிரம்மா

உணரவேணும் பரப்பிரம்மா                  குருவே              

ஒருமையும் பன்மையும் ஒருபிரம்மா

ஒத்துக் கொள்வதில்லை ஒருபிரம்மா

மாயையில் மதிபோய் சுகபிரம்மா

மகிழ்ச்சி நிலைக்காது சுகபிரம்மா           குருவே    

கண்டேன் உன்னை குருபிரம்மா

காணவில்லை நான் குருபிரம்மா

அறிவில் அறியா பரப்பிரம்மா

அன்பில் உணராத பரப்பிரம்மா               குருவே              

இருளில் இருப்பாய் இறைபிரம்மா

இல்லாது நினைப்போம் இறைபிரம்மா

சூழ்ந்து காப்பாய் தாய்பிரம்மா

சூட்சுமம் போதிப்பாய் தாய்பிரம்மா          குருவே