புல்கா ரொட்டி / சுக்கா சப்பாத்தி

தேவையான பொருட்கள்

கோதுமாவு - தே.அ
உப்பு - தே.அ
தண்ணீர் - தே.அ
எண்ணெய் - 1 தே.க

மாவை பிசைந்து கொண்டு 1/2 மணி நேரம் ஊறவிடுக.(கைகளில் தொட்டுக்கொண்டு பிசைய எண்ணெய் வேண்டும் அவ்வளவே)

பின் சப்பாத்திகளாக இடவும். தோசைக்கல்லில் போட்டு சற்று வேகவும்

திருப்பிப் போடுக. அதே போல் மறுபக்கமும் சற்று லேசாக வேகவும்








எடுத்து அடுப்புத் தீயின் மேல் வையுங்கள். வெந்து உப்பும்.

பின் திருப்பி வைக்கவும். மறுபக்கமும் உப்பி வேகும். பின் எடுத்து தட்டில் வைக்கவும். நெய் (அ) எண்ணெய் தடவி விடவும்.





சப்பாத்தி பூப்போல் இருக்கும். மிக எளிது தான். வேகமாக வெந்து விடும். ஒரே மாதிரி சமமாக தேய்க்க வேண்டும் அவ்வளவு தான்.

வட நாட்டுத் தோழி சொல்லி செய்து பார்த்தேன். நன்றாக வந்தது. முன்பெல்லாம் சப்பாத்தி செய்வது என்றால் சற்று கஷ்டமாக இருக்கும். இப்போது இஷ்டமாக இருக்கிறது.

எண்ணேய் இல்லாமல் செய்யப்படும் சப்பாத்தியைத் தான் சுக்கா சப்பாத்தி அல்லது புல்கா ரொட்டி என்பர். மேலே நெய் (அ) எண்ணெய் தடவினால் நமக்கு உருசியாக இருக்கும். தடவாமலும் இருக்கலாம்.

குறிப்பு :

1 ஆழாக்கு மாவுக்கு 1/2 டம்ளர் தண்ணீர் போதுமானதாக இருக்கும்.

கணக்கா எடுத்துக் கொண்டால் பிசையும் போது எளிதாக இருக்கும். ஏதோ ஒரு நினைவில் அதிகம் ஊற்றமாட்டோம் இல்லையா?