அங்கு நீயார்...? / கவிதை

எல்லாவற்றிற்கும் காரணம் - நீ
மனம் மறுக்கிறது
ஒப்புக் கொண்டுமிருக்கிறது

எண்ணத்தின் துளிகளில்
வண்ணமும் இருக்கிறது...
வாட்டமும் இருக்கிறது

இனிய மழைக்கு வானம் நோக்கி - ஆனால்
சுடுமழை ஏன் சிந்தினாய் கண்களே...?

அடுத்தவர்களுக்காய் வாழ்ந்த வாழ்க்கை போதும்
அடுக்கிய முக மூடிகள் போதும்
மூலையில் பார்
எத்தனை வகையான
மூக மூடிகள் என்று...

உண்மையின் ஒளி பிரகாசிக்க
அடுத்தவர் அல்லவா...?
முகமூடி அணிய வேண்டும்
நீ எதற்கு அணிந்தாய்
உண்மையின் அழகு
தைரியத்தை கூட்டும்
உடன் வருவார் அனைத்து லட்சுமிகளும்

நிமிர்ந்து நில்
கூன் போட அவசியம் இல்லை
கூப்பித் தொழு இறைவனிடம் மட்டும்

நல் குரல் உள் சொல்ல
செவிமடு
அதை சிறையிடாதே...
அடைத்து விட்டாள் -
குப்பை மேல் பூசிய அர்த்தர் போல்
வாழ்க்கை உள்ளே
நாறிக் கொண்டு மணந்து கொண்டிருக்கும்...

அடைபட்ட கூட்டுக்குள்
அழையா விருந்தாளியாய்
பலமிருகங்கள் வந்து விடும் தங்க...

புற்றாய் மேல் போவாய்
உள்ளே என்ன இருக்கும்...?

அங்கு நீயார்...?




படம் கூகுள் நன்றி