அவியல்

தேவையான பொருட்கள்

வெங்காயம் -1 அல்லது சின்ன வெங்காயம் 8
எண்ணெய் - 1 தே.க
தயிர் - 2 அ 3 மே.க
உப்பு - ருசிக்கு
கேரட்
பீன்ஸ்
உருளைக்கிழங்கு
வாழைக்காய்
அவரைக்காய்
புடலங்காய்
எல்லா காய்களையும் சிறிது எடுத்துக் கொள்ளுங்கள்.

( சர்க்கரை வள்ளிக்கிழங்கு, கொத்தவரங்காய், முருங்கக்காய், வெள்ளை பூசணி, கத்தரிக்காய், சேனைக்கிழங்கு, விருப்பப்பட்டால் மாங்காய் துண்டுகள் என இருக்கும் காய்களில் சிலவற்றை எடுத்துக் கொண்டு இதை செய்யலாம்.)

அரைக்க தேவையானவை

தேங்காய் மூடி -  1/2 மூடி ( சிறிய தேங்காயின் 1/2 மூடியை நான் எடுத்துக் கொண்டிருக்கிறேன்)
சீரகம் - 1 தே.க
இஞ்சி - சிறிது
பச்சை மிளகாய் - 4

மிக்ஸியில் அரைத்துக்கொள்ளவும்


தாளிக்க வேண்டியவை

தேங்காய் எண்ணெய் - 1 மே.க
கடுகு - 1/2 தே.க
கருவேப்பிலை - சிறிது






எண்ணெய் விட்டு வெங்காயத்தை லேசாக வதக்கவும்

காய்கறிகளைப் போட்டு லேசா வதக்கி உப்பு + தண்ணீர் விட்டு வேக விடவும்.

காய்கறிகள் அதிகம் குழையாமல் வேக வேண்டும். மாங்காய் சேர்ப்பது என்றால் கடையாக போட்டு வேக வைக்கவும் அது உடனே வெந்து விடும்.

 அரைத்ததை ஊற்றி கொதிக்க விடவும். சேர்மானமாக வரவும் இறக்கவும்.

தாளிக்கவும். சற்று ஆறிய பின் தயிர் சேர்த்து கலக்கவும். சூடாக தயிர் கலக்க தயிர் திரிந்து விடும்.

                                                                      அவியல் அருமை....!!!

சாப்பாட்டிற்கு...அடைக்கு...சப்பாத்திக்கு....தொட்டுக்கொள்ளலாம்....!



குறிப்பு

தயிர் அதிகம் புளிக்காமல் இருந்தால் நல்லது.

காலையில் செய்து ஆபீஸ்க்கு கொடுக்க தயிர் புளிக்காமல் இருந்தால் தான் பரவாயில்லை. மதியம் அதன்  புளிப்பு தன்மை கூடும் அல்லவா..? அதற்குத்தான்.

வீட்டில் என்றால் சாப்பிடும் சமயம் கலந்து கொள்ளலாம்.

தயிரின் புளிப்புக்கு தக்க அளவை கூட்டிக் குறைத்துக்  கொள்ளுங்கள்.

மாங்காய் சேர்த்து செய்யும் போது தயிரின் அளவைக் குறைத்துக் கொள்ளுங்கள். மாங்காயின் புளிப்பை பார்த்து சில  துண்டுகளை போடுங்கள்.

அரைத்த சேர்மானத்தில் காரம் குறைவாக இருந்தால் தாளிக்கும் போது வரமிளகாய்களைக் கிள்ளிப் போட்டு தாளித்து விடுங்கள்.